چیئرمین پبلک اکاؤنٹس کمیٹی کون ہو گا ؟ فیصلہ میں کرونگا : بانی پی ٹی آئی

قومی اسمبلی کی پبلک اکاؤنٹس کمیٹی (پی اے سی)کے چیئرمین کی نامزدگی کے معاملے پر بانی پی ٹی آئی نے اپنے دئیے گئے نام پر فل سٹاپ لگا دیا اور اس عہدے کیلئے شیخ وقاص اکرم کا نام برقرار رکھا اور کہا ہے اس حوالے سے فیصلہ میں خودکروں گا، کوئی حکومتی عہدیدار نہیں۔

میڈیارپورٹس کے مطابق چیئرمین پی اے سی کی نامزدگی کے معاملے پر رد عمل میں نامزدگی کے معاملے پر بانی عمران خان نے پی ٹی آئی کی قیادت کی سخت سرزنش کی۔انہوں نے کہا کہ پی ٹی آئی سے چیئرمین پی اے سی کون ہو گا ؟ یہ فیصلہ میں کروں گا، کوئی حکومتی عہدیدار نہیں۔

یہ بھی پڑھیں: پی ٹی آئی سے مذاکرات کا عمل کامیاب ہونا چاہیے، سعد رفیق 

میری طرف سے چیئرمین پبلک اکاؤنٹس کمیٹی کیلئے پہلا دوسرا، تیسرا اور چوتھا نام بھی شیخ وقاص اکرم ہی ہو گا۔ سابق وزیراعظم نے پی اے سی چیئرمین شپ نہ ملنے پر قائمہ کمیٹیوں کی چیئرمین شپ سے بھی مستعفی ہونے کا عندیہ دے دیا۔

چیئرمین پی اے سی کیلئے ڈاکٹر طارق فضل چوہدری کی جانب سے دو بار خط لکھا گیا تھا، تحریک انصاف نے پہلے جوابی خط میں شیخ وقاص اکرم کا نام دیا تھا، دوسرے خط میں مسلم لیگ ن کے چیف وہپ کی جانب سے 4 ناموں کا پینل مانگا گیا تھا۔

یہ بھی پڑھیں:عمران خان کیلئے 2025کا سال کیسا ہوگا؟ بڑی پیش گوئی سامنے آگئی

اس پر پی ٹی آئی نے عمران خان کی مشاورت کے بعد شیخ وقاص اکرم کا نام مقرر رکھا گیا تھا ، ہمارا پہلا ، دوسرا ، تیسرا اور چوتھا نام بھی شیخ وقاص اکرم ہی ہو گا۔پی ٹی آئی اپنا حتمی جواب آئندہ ہفتے جمع کروائے گی۔