بیرون ملک مقیم پاکستانیوں کی ترسیلات زر میں اضافہ

بیرون ملک مقیم پاکستانیوں کی ترسیلات زر میں سال  2024 میں 31 فی صد مزید اضافہ ہوا ہے ، سمندر پار پاکستانیوں نے جنوری سے نومبر تک 21 ارب اٹھاون کروڑ ڈالر پاکستان بھیجے۔

سعودی عرب میں مقیم پاکستانیوں نے سب سے زیادہ، یعنی سات ارب 29 کروڑ ڈالر کی رقم پاکستان بھیجی جو پچھلے سال اسی عرصے سے 38.7 فیصد زیادہ ہے۔

متحدہ عرب امارات میں مقیم پاکستانیوں نے سال کے پہلے گیارہ ماہ میں 6 ارب 15 کروڑ ڈالر کی ترسیلات زر پاکستان بھیجیں، جو پچھلے سال اسی عرصے سے 55 فی صد زائد ہیں۔

یہ بھی پڑھیں : ملک میں موسم شدید سرد ، بالائی علاقوں میں برفباری کا سلسلہ جاری

برطانیہ میں مقیم پاکستانیوں نے چار ارب 71 کروڑ ڈالر، یورپی یونین سے تین ارب 61 کروڑ ڈالر اور امریکا سے تین ارب 44 کروڑ ڈالر پاکستان بھیجے گئے۔

سعودی عرب اور امارات کے علاوہ دیگر خلیجی ملکوں سے تین ارب 17 کروڑ ڈالر پاکستان بھیجے گئے۔

آسٹریلیا اور ملائیشیا بھی پاکستان سے باہر نوکری ڈھونڈنے والوں کی اہم منزل بننے لگے، سال کے پہلے گیارہ ماہ میں آسٹریلیا سے 66 کروڑ ڈالر کی رقم پاکستان بھیجی گئی، ملائیشیا سے آنے والی رقم ریکارڈ 97 فی صد اضافے کے ساتھ 16 کروڑ 82 لاکھ ڈالر ہوگئی۔

شارجہ، ڈنمارک اور جاپان سے آنے والی ترسیلات منفی زون میں رہیں۔