کاروباری ہفتے کے پہلے روز سٹاک مارکیٹ میں تیزی، انٹر بینک میں ڈالر کی قیمت میں کمی

کاروباری ہفتے کے پہلے روزسٹاک مارکیٹ کامثبت آغاز ہوا ہے ، انٹر بینک میں ڈالر مزید سستا ہو گیا۔

پاکستان سٹاک ایکسچینج میں کاروبار کے آغاز پر ہی تیزی دیکھی گئی،پاکستان  سٹاک ایکسچینج میں 100 انڈیکس1069 پوائنٹس تک بڑھ گیا، کاروبار کے دوران انڈیکس 1 لاکھ 12 ہزار420  پوائنٹس کی سطح تک ٹریڈ ہوتے دیکھا گیا۔

گزشتہ کاروباری روز کے اختتام پر 100 انڈیکس 927 پوائنٹس کے اضافے کے بعد ایک لاکھ 11 ہزار 351 پوائنٹس پر بند ہوا تھا، ہفتے کے آخری کاروباری دن 100 انڈیکس 1796 پوائنٹس کے بینڈ میں رہا۔

یہ بھی پڑھیں : ہونڈا کا سی ڈی 70 اور 125 آسان اقساط پر دینے کا اعلان

آخری کاروباری روز میں 81.5 کروڑ شیئرز کے سودے 32.9 ارب روپے میں طے ہوئے جبکہ مارکیٹ کیپٹلائزیشن 112 ارب روپے اضافے کے بعد 14 ہزار 126 ارب روپے رہی۔

دوسری جانب انٹربینک میں ڈالر7 پیسے تک سستا ہوگیا ، دوران کاروبار انٹربینک میں ڈالر277 روپے40 پیسے میں ٹریڈ ہو رہا ہے۔

 گزشتہ کاروباری دن کے اختتام پر انٹر بینک میں ڈالر 278 روپے 47 پیسے پر بند ہوا تھا۔