بجلی کتنی سستی ہونیوالی ہے؟ صارفین کے لیے بڑی خوشخبری

مہنگی بجلی سے پریشان صارفین کے لیے خوشخبری ہے کہ بجلی سستی ہونے کا امکان ہے۔

میڈیا رپورٹس کے مطابق ماہانہ ایڈجسٹمنٹ میں بجلی سستی ہونے کا امکان ہے، سی پی پی نے نومبر کی ایڈجسٹمنٹ کے لیے درخواست دائر کر رکھی ہے جس پر نیپرا کل بجلی 63 پیسے فی یونٹ سستی کرنے کی درخواست پر سماعت کرے گا۔

یہ بھی پڑھیں: میلبورن ٹیسٹ : آسٹریلیا کے ہاتھوں شکست کے بعد بھارت کی ٹیسٹ چیمپئن شپ  کے فائنل تک رسائی مشکل

نیپرا اگر من وعن درخواست منظور کرتا ہے تو بجلی صارفین کو چار ارب 88 کروڑ روپے کا ریلیف ملے گا اور اکتوبر کی ماہانہ ایڈجسٹمنٹ کا ریلیف شہریوں کو دسمبر کے بلوں میں دیا جائے گا تاہم اس کا اطلاق کے الیکٹرک صارفین پر نہیں ہوگا۔

واضح رہے کہ نیپرا نےاکتوبر کی ایڈجسٹمنٹ میں پہلے ہی بجلی ایک روپے 14 پیسے فی یونٹ سستی کی تھی۔