ایتھوپیا : ٹرک دریا میں گرنے سے 71 باراتی چل بسے

ایتھوپیا میں انتہائی المناک حادثہ پیش آیا، جب شادی میں شرکت کیلئے جانے والے 71 باراتی اپنی جان سے ہاتھ دھو بیٹھے۔

بین الاقوامی خبر رساں ادارے کی رپورٹ کے مطابق ایتھوپیا کے ضلع بونا میں پیش آیا جہاں باراتیوں سے لدا ہوا ایک ٹرک بے قابو ہوکر دریا میں گر گیا، جس کے باعث 71 باراتی ہلاک ہو گئے جبکہ زخمی ہونے والے افراد کو بونا جرنل اسپتال میں منتقل کردیا گیا ہے۔

یہ بھی پڑھیں: میلبورن ٹیسٹ : آسٹریلیا کے ہاتھوں شکست کے بعد بھارت کی ٹیسٹ چیمپئن شپ  کے فائنل تک رسائی مشکل

سرکاری ٹی وی کا کہنا ہے کہ مسافرشادی میں شرکت کے لیے جا رہے تھے جبکہ ہلاک ہونے والوں میں 68 مرد اور 3 خواتین شامل ہیں۔

واضح رہے کہ ایتھوپیا میں ڈرائیونگ کے انتہائی برے معیار اور گاڑیوں کی فٹنس نا ہونے کے باعث ہر سال ٹریفک حادثات میں متعدد افراد ہلاک ہوجاتے ہیں۔