کراچی: انسداد دہشت گردی عدالت نے ٹیرر فنانسنگ کیس کی سماعت میں اہم پیش رفت کی ہے اور کالعدم سپاہ محمد کے دو مبینہ دہشت گردوں سجاد حسین اور ذاکر حسین کو عدم شواہد کی بناء پر بری کردیا
ملزمان کا نام ایف آئی آر میں شامل نہیں تھا، اور وکیل ملزمان عابد زمان نے بتایا کہ ایف آئی آر میں کوئی مخصوص دہشت گردی کا واقعہ شامل نہیں تھا، جبکہ بینک اکاؤنٹس بھی ملزمان کے نام پر نہیں تھے۔
پولیس نے بتایا کہ ملزمان کیس میں مفرور تھے اور انہیں رواں سال اپریل میں گرفتار کیا گیا تھا۔
مذکورہ مقدمہ 2019 میں درج کیا گیا تھا، اور ملزمان کو گرفتار ملزمان کے انکشافات پر گرفتار کیا گیا تھا۔ پولیس نے مزید بتایا کہ کیس میں محمد حیدر اور مہتاب عرف موچھڑ پہلے ہی بری ہوچکے ہیں، اور ملزمان نے فنڈنگ کے لیے اپنی منکوحات کے اکاؤنٹس استعمال کیے تھے۔ واضح رہے کہ یہ مقدمہ سی ٹی ڈی نے درج کیا تھا۔
By 
