خیبرپختونخوا میں گوداموں میں پڑی 10 ارب روپے مالیت کی گندم خراب ہوگئی۔ معاملہ صوبائی اسمبلی پہنچ گیا۔
اسمبلی میں صوبائی وزیر خوراک ظاہر شاہ طورو نے کہا کہ گندم کے نمونے دو لیبارٹریوں میں ٹیسٹ کیے گئے ہیں جن میں سے ایک نے اسے انسانوں کیلئے ناقابل استعمال قرار دیا ہے۔
ان کا کہنا تھا کہ پاکستان کونسل آف سائنٹیفک اینڈ انڈسٹریل ریسرچ کی رپورٹ کے مطابق 77 ہزار 762 میٹرک ٹن گندم انسانی استعمال کے قابل نہیں رہی ہے۔یہ گندم 2023 میں پاسکو سے خرید کر خیبرپختونخوا کے مختلف گوداموں میں ذخیرہ کی گئی تھی۔
صوبائی وزیر خوراک کا کہنا تھا کہ مزید تجزیے کیلئے گندم کے نمونوں کو فیصل آباد بھجوایاہے جہاں ایک اور لیبارٹری سے حتمی رپورٹ کا انتظار ہے۔ صوبائی خوراک نے کہا کہ اگر گندم ناقابل استعمال ثابت ہوتی ہے تو حکومت ذمہ داران کے خلاف سخت کارروائی کرے گی۔
By 
