مشیر خزانہ خیبرپختونخوا مزمل اسلم نے کہا ہے کہ حکومت نے دو سال میں جتنا قرض لیا، اتنا خیبرپختونخوا کو لینے میں 2870 سال لگیں گے۔
نجی ٹی وی کے مطابق مزمل اسلم کا کہنا تھا کہ پی ڈی ایم حکومت قرض لیتی ہے اور ہم اتارتے ہیں۔انہوں نے کہا کہ جتنا قرضہ خیبر پختون خوا کا 77 سال میں ہوا اتنا قرض شہباز شریف ایک ماہ میں لیتے ہیں۔
خیبرپختونخوا کے مشیر خزانہ نے انکشاف کیا کہ شہباز شریف حکومت نے 2 برسوں میں 27000 ارب قرض لیا، اتنا قرض لینے میں خیبر پختونخوا کو 2870 سال لگیں گے۔
انہوں نے دعویٰ کرتے ہوئے کہا کہ شہباز شریف روپے کی قدر 175 سے 280 نہ کرتے تو خیبر پختونخوا کا قرض 450 ارب روپے ہوتا۔ان کا کہنا تھا کہ خیبر پختونخوا پہلا صوبہ ہے جس نے قرض اتارنے کا فنڈ بنایا ہے۔
By 
