بادشاہ چارلس نے میئر لندن صادق خان کو نائٹ کے اعزاز سے نواز دیا

برطانیہ کے بادشاہ چارلس نے مئیر لندن صادق خان کو نائٹ کے اعزاز سے نواز دیا۔

خبر رساں اداروں کے مطابق صادق خان کو نائٹ کا انتہائی معتبر اعزاز لندن کے عوام کی خدمات کے اعتراف میں دیا گیا ہے۔

صادق خان رواں برس مسلسل تیسری مرتبہ لندن کے مئیر منتخب ہوئے تھے۔

میئر لندن صادق خان کا کہنا ہے کہ جنوبی لندن میں بچپن گزارتے وقت سوچا بھی نہیں تھا کہ ایک دن شہر کا میئر بن جاؤں گا۔

یہ بھی پڑھیں: پنجاب بدستور دھند کی لپیٹ میں ، موٹرویز مختلف مقامات سے ٹریفک کیلئے بند

صادق خان کا کہنا تھا کہ ان کی زندگی کا پہلے سے ہی یہ ایک اعزاز تھا کہ وہ جس شہر سے پیار کرتا ہے اس کی خدمت کررہا ہے، نائٹ کا اعزاز ملنے پر وہ بہت فخر محسوس کررہے ہیں۔

دوسری جانب صادق خان کو نائٹ کا اعزاز ملنے پر فارن سیکرٹری ڈیوڈ لیمی نے مبارک باد دیتے ہوئے کہاہے کہ صادق  نے اسکول ڈنر کی مفت فراہمی، صاف ہوا اور کونسل کے ریکارڈ گھر بنانے کے لیے اقدامات کیے۔

میڈیا رپورٹس کے مطابق نائٹ کا اعزاز ملنے سے اب صادق خان کے نام سے پہلے سر بھی لکھا جائے گا۔