پاکستان سٹاک ایکسچینج میں سال کے آخری دن کاروبار کا مثبت آغاز ، ڈالر بھی سستا

پاکستان سٹاک ایکسچینج میں سال کےآخری دن کاروبارکامثبت آغاز ہوا جبکہ امریکی ڈالر کی قیمت میں بھی کمی ہوئی ہے۔

سال 2024 کے آخری دن اور کاروباری ہفتے کے دوسرے روز 100 انڈیکس میں 970 پوائنٹس کا اضافہ ہوا جس کے بعد پاکستان سٹاک ایکسچینج کا 100 انڈیکس ایک لاکھ 16 ہزار 229 پوائنٹس کی سطح پر پہنچ گیا۔

یاد رہے کہ سٹاک ایکسچینج میں گزشتہ دن بھی کاروبار میں زبردست تیزی رہی اور 100 انڈیکس میں 3907 پوائنٹس سے زائد کا اضافہ ہوا تھا۔

یہ بھی پڑھیں : قومی انعامی بانڈز واپس کرنے کا آج آخری روز

دوسری جانب فاریکس ڈیلرز کے مطابق انٹر بینک میں کاروبار کے آغاز پر ڈالر 8 پیسے تک سستا ہو گیا، انٹر بینک میں ڈالر 278 روپے 40 پیسے کی سطح پر ٹریڈ ہو رہا ہے۔

یاد رہے کہ گزشتہ روز امریکی ڈالر کی قدر میں ایک پیسے کی کمی ہوئی تھی اور ڈالر 278 روپے 48 پیسے پر بند ہوا تھا۔