پاکستان تحریک انصاف کے رکن قومی اسمبلی شیر افضل مروت نے کہا ہے کہ عمران خان کے ایک دن جیل میں رہنے پر حکومت کا لاکھوں روپے خرچ آتا ہے۔
تفصیلات کے مطابق اسلام آباد میں صحافیوں سے گفتگو کرتے ہوئے شیر افضل مروت نے کہا کہ عمران خان کی مرضی سے ہی وکلا کیسز لڑتے ہیں۔ وکلا کے کیسز لڑنے کی فیسیں ہوتی ہیں تاہم میں کروڑوں روپے کی ان فیسوں کو جسٹیفائی نہیں کرتا۔
انہوں نے مزید بتایا کہ عمران خان کیلئے ڈونیشنز آتی ہیں یا پارٹی کے لوگ ڈونیٹ کرتے ہیں۔ انہوں نے بتایا کہ وکلا کی فیسوں کی مد میں گزشتہ ایک ماہ کے میں وزیراعلیٰ علی امین گنڈاپور نے 7کروڑ روپے ادا کیے ہیں۔ ان کا کہنا تھا کہ پیسے آنے کا مطلب یہ نہیں کہ پیسوں پر ترس نہ کریں۔ وکلا کی فیسوں کو کوئی حساب، کتاب ہونا چاہئے۔
By 
