کیپ ٹاؤن ٹیسٹ میں میزبان ٹیم جنوبی افریقہ نے پاکستان کے خلاف ٹاس جیت کرپہلے بیٹنگ کرنے کافیصلہ کیا ہے۔
تفصیلات کے مطابق دونوں ٹیموں کے مابین 2 ٹیسٹ میچز پر مشتمل سیریز کا دوسرا اور آخری ٹیسٹ میچ کیپ ٹاؤن کے نیو لینڈ کرکٹ سٹیڈیم میں کھیلا جا رہا ہے، جس میں میزبان ٹیم جنوبی افریقہ کو سیریز میں 1۔0 کی برتری حاصل ہے۔
واضح رہے کہ دوسرے ٹیسٹ کے لیے پاکستان کرکٹ ٹیم میں ایک تبدیلی کی گئی ہے، فاسٹ باؤلر نسیم شاہ کی جگہ بائیں ہاتھ کے باؤلر میر حمزہ کو سکواڈ کا حصہ بنایا گیا ہے۔
پاکستانی ٹیم کپتان شان مسعود، صائم ایوب، بابراعظم، کامران غلام، وکٹ کیپربیٹر محمد رضوان، سعود شکیل، سلمان علی آغا، عامر جمال، خرم شہزاد، میرحمزہ اور محمد عباس پر مشتمل ہے۔
By 
