وزیراعلیٰ پنجاب مریم نوازسے چین کے اعلی سطح وفد نے پنجاب ہاؤس اسلام آباد میں ملاقات کی۔
چینی وفد میں چینگ ڈو جنرل کوآرڈینیٹر برائے آئی سی ٹی ہب مس اسکارلٹ اور ڈپٹی سی ای او ہواوے مسٹر یو رے شامل تھے،چینگ ڈونے 700ملین ڈالر کی سرمایہ کاری پر رضامند ی کا اظہار کیا۔
وزیراعلیٰ مریم نوازنے اصولی منظوری دے دی، چینگ ڈو حکو مت کے تعاون سے ای- ٹیکسی سروس کا جلد آغاز ہو گا،لاہور نوازشریف آئی ٹی سٹی میں چینی کمپنی کمپیوٹنگ سنٹر بھی قائم کرے گی۔
اس ملاقات میں نوازشریف آئی ٹی سٹی میں ڈیٹا او رکلاؤڈ سنٹر قائم کرنے پر اتفاق بھی کیا گیا، پنجاب حکومت ڈیٹا اور کلاؤڈ سنٹر قائم کرنے کیلئے اراضی اور بلڈنگ فراہم کرے گی۔
ملاقات کے دوران پاکستان میں پہلا ای کامرس پلیٹ فارم قائم کرنے پر اتفاق کیا گیا۔ پاکستانی نوجوانوں کو چینی کمپنی آن لائن ورلڈ وائڈ ٹریڈنگ کے لئے ٹریننگ بھی دے گی۔
لاہور میں چینی اشتراک کار سے سمارٹ کنٹرو ل روم، سمارٹ ٹریفک کنٹرول، سمارٹ ٹرانسپورٹ، سمارٹ سینی ٹیشن سنٹر قائم ہوگا۔
By 
