ہیڈفونز کا مستقل استعمال آپ کی سماعت پر کیا منفی اثرات مرتب کر سکتا ہے؟

ہیڈ فون کا استعمال آپ کی سماعت کو شدید نقصان پہنچا سکتا ہے خاص طور پر اگر آپ انہیں زیادہ دیر تک طویل عرصے تک استعمال کرتے ہیں یا تیز آواز سے سنتے ہیں۔

ہیڈ فون کےمستقل اور تیز آواز کے استعمال سے انسانی سماعت اور کانوں پر شدید اثرات مرتب ہوتے ہیں اورٹنائٹس کان میں گھنٹی بجنے کی آوازیں یا بھِن بھِن ہونے کی آواز پیدا ہونا شروع ہو جاتی ہے جس سے سننے میں دشواری اورزیادہ شور والے ماحول میں سننے میں دشواری یا عام حالات میں بھی لوگوں کی باتیں صحیح سے نہ سُن پانا کی کیفیت ہوتی ہے۔

اس کیساتھ ساتھ تیز آواز سے ہیڈ فونز سننے سےاندرونی کان یا سمعی اعصاب میں بالوں کے خلیوں کو نقصان، جو آوازوں کی شناخت مشکل بنا سکتا ہے۔ ان تمام عوامل سے تبھی حفاظت یقینی بنائی جا سکتی ہے اگر آپ ہیڈفونز استعمال کرتے ہیں تو اپنی سماعت کی حفاظت کے لیے آپ ان تجاویز کو آزما سکتے ہیں:

اگر آپ روزانہ ہیڈ فون استعمال کرتے ہیں تو وقفہ لینا ضروری ہے۔ آپ 60/60 اصول آزما سکتے ہیں جس کا مطلب ہے کہ 60 منٹ تک ہیڈفینز کی آواز کو 60 فیصد والیوم پر رکھنا اور پھر ایک گھنٹے بعد ہیڈفونز سے وقفہ لینا۔ اور ایسے ہیڈ فونز استعمال کریں جو کان کے اوپر آرام دہ ہوں۔

اور اس کیساتھ ساتھ اس بات کو یقینی بنائیں کہ آپ کے ہیڈ فون میں الگ سے والیوم کنٹرول بٹن موجود ہو۔ ایسی آوازوں سے پرہیز کریں جو بہت زیادہ اونچی ہوں یا بہت دیر تک سنائی دیتی ہوں۔ عالمی ادارہ صحت (ڈبلیو ایچ او) آٹھ گھنٹے کام کے دوران 80 ڈی بی والیوم کو سننے کو محفوظ سطح سمجھتا ہے۔ اسی طریقے سے ایئرفونز کا مسلسل استعمال کان کی نالیوں میں میل کو مزید اندر دھکیل سکتا ہے جو آواز میں رکاوٹ ڈال سکتا ہیں ۔