ڈالر کی قیمت میں اضافہ، یورو اور پاؤنڈ کی بڑی چھلانگ، دیگر کرنسیوں کو پیچھے چھوڑ دیا

کرنسی مارکیٹ کی ہفتہ وار رپورٹ کے مطابق بیرونی قرضوں کی ادائیگی کے باعث پاکستانی روپے پر دباؤ برقرار رہا، جس کے نتیجے میں ایک ہفتے میں امریکی ڈالر کی قدر میں اضافہ دیکھنے کو ملا۔ اس دوران یورو اور برطانوی پاؤنڈ میں بھی بڑی چھلانگ آئی، جس نے دیگر کرنسیوں کو پیچھے چھوڑ دیا۔

رپورٹ کے مطابق انٹربینک مارکیٹ میں امریکی ڈالر 9 پیسے مہنگا ہو کر 279.56 روپے پر بند ہوا جبکہ اوپن مارکیٹ میں ڈالر کی قیمت میں 35 پیسے کا اضافہ ہوا، جس کے بعد ڈالر 279.85 روپے کا ہوگیا۔ دوسری طرف، یورو 2 روپے 93 پیسے سستا ہو کر 288.30 روپے اور برطانوی پاؤنڈ 3 روپے 33 پیسے سستا ہو کر 348.26 روپے کا ہوگیا۔

یہ بھی پڑھیں: 40 ہزار روپے کے بجٹ میں بہترین اسمارٹ فونز: کم قیمت میں ذبردست فیچرز

اسی دوران یو اے ای درہم 10 پیسے مہنگا ہو کر 76.15 روپے اور سعودی ریال بھی 10 پیسے مہنگا ہو کر 74.45 روپے پر پہنچ گیا۔پاکستانی اسٹیٹ بینک کے مطابق ایک ہفتے کے دوران بیرونی قرضوں کی ادائیگی کے تحت 14 کروڑ 30 لاکھ ڈالر کی رقم ادا کی گئی، جس کے بعد سٹیٹ بینک کے ذخائر 11.85 ارب ڈالر سے کم ہو کر 11.71 ارب ڈالر ہوگئے۔

اس کے علاوہ، کمرشل بینکوں کے ذخائر میں 18 کروڑ ڈالر کا اضافہ ہوا، جس سے یہ ذخائر 4.70 ارب ڈالر تک پہنچ گئے۔ ملکی مجموعی ذخائر 3.70 کروڑ ڈالر اضافے کے ساتھ 16.40 ارب ڈالر ہوگئے۔