دبئی میں گاڑی کی منفرد نمبر پلیٹ 55 ملین درہم میں نیلام  

دبئی میں گاڑی کی منفرد نمبر پلیٹ 55 ملین درہم میں فروخت  ہوگئی، نیلامی میں گاڑی کیلئے دنیا کا مہنگا ترین نمبر فروخت کر دیا گیاہے جس کی قیمت پاکستانی 4 ارب 29 کروڑ روپے سے زائد بنتی ہے ۔

دبئی کی نمبر پلیٹ P7 کی نیلامی کے لیے ایک تقریب مقامی ہوٹل جمیرہ میں منعقد کی گئی جہاں اس نمبر پلیٹ کے لیے بولیاں لگائی گئیں ، اس منفرد نمبرپلیٹ کے لیے بولی لگانے کاسلسلہ اس ریکارڈ توڑ فروخت کا باعث بنا۔

دبئی کی نمبر پلیٹ P7 کو 55 ملین درہم میں نیلام کیا گیا جبکہ اس سے قبل بھی یو اے ای کی نمبر پلیٹس کافی مہنگے داموں فروخت ہوتی رہیں جن میں P7 (دبئی، 2024) 55 ملین درہم ، AA9 (دبئی، 2021) –38 ملین درہم، AA8 (دبئی، 2022) –35 ملین درہم اورD5 (دبئی  2016) –33 ملین درہم میں فروخت ہوئیں۔

یہ بھی پڑھیں: یہ بھی پڑھیں : کوئٹہ میں زلزلے کے جھٹکے

دبئی میں مقیم ایمریٹس آکشن نے دنیا کی سب سے مہنگی نمبر پلیٹ فروخت کر کے اپنا نام گنیز ورلڈ ریکارڈ میں درج کر الیا ہے،

یہ اس وقت کیا گیا جب ٹیلی گرام ایپ کے بانی اور مالک Pavel Valerievich Durov نے بولی لگائی اور اس کے بعد یہ بولی 55 ملین درہم تک پہنچ گئی۔

اس سے قبل بھی دنیا کی مہنگی ترین لائسنس پلیٹ کا ریکارڈ متحدہ عرب امارات میں 2008 میں قائم ہوا تھا۔

اس وقت ایک کاروباری شخصیت نے ایک کروڑ 43 لاکھ ڈالرز میں ایک لائسنس پلیٹ خریدی تھی اور 15 سال بعد یہ ریکارڈ ٹوٹا ہے۔