کرم میں امن دُشمنوں سے آہنی ہاتھوں سے نمٹا جائے گا ، بیرسٹر سیف

خیبرپختونخوا کابینہ کے مشیر اطلاعات بیرسٹر سیف نے کہا ہے کہ کرم میں امن دشمنوں سے آہنی ہاتھوں سےنمٹیں گے ۔

تفصیلات کے مطابق بیرسٹر ڈاکٹر سیف نے اپنے ایک بیان میں کہا کہ گرینڈ جرگے کے معاہدے کے مطابق کرم میں امن کی صورتحال کو ہر حال میں یقینی بنایا جائے گا، ڈپٹی کمشنر پر حملہ امن کو سبوتاژ کرنے کی ناکام سازش تھی۔

یہ بھی پڑھیں:ڈپٹی کمشنر کرم پر فائرنگ کرنیوالے حملہ آوروں کی شناخت کر لی گئی

انہوں نےکرم کے عوام کو مشورہ دیا کہ وہ امن دشمن عناصر سے ہوشیار رہیں۔ ان کا کہنا تھا کہ علاقے میں پائیدار امن کے لئے عوام انتظامیہ اور حکومت کے ساتھ تعاون کریں۔

وزیراعلیٰ کے پی کےسردار علی امین گنڈا پور نے بھی سختی سے واقعہ کا نوٹس لیا ہے اور انہوں نے ہدایت جاری کی ہے کہ واقعہ میں ملوث افراد کو کیفر کردار تک پہنچا یا جائے ۔

یہ بھی پڑھیں:’’عمران خان کو بنی گالہ منتقلی کی پیشکش‘‘ ن لیگ کا ردعمل آگیا

صوبائی مشیر اطلاعات کا مزید کہنا تھا کہ سکیورٹی خدشات کے پیش نظر قافلے کو وقتی طور روک دیا گیا ہے، کلیئرنس ملنے کے بعد عن قریب قافلے کو روانہ کیا جائے گا۔