سوا 2ماہ کےاندرعمران خان کی رہائی ہو جائےگی:شیر افضل مروت

پاکستان تحریک انصاف (پی ٹی آئی ) کے رہنماء شیرافضل مروت نے کہا ہے کہ عمران خان کسی ایگزیکٹوآرڈر کے ذریعے رہائی نہیں لیں گے۔

تفصیلات کے مطابق نجی ٹی وی چینل میں میزبان سے گفتگو میں شیر افضل مروت کا کہنا تھا کہ 190ملین پاؤنڈ ریفرنس کا فیصلہ ملتوی ہوتا ہےتویہ اچھا شگون ہوگا۔انہوں نے کہا کہ بانی پارٹی عمرن خان نے گھر میں نظربندی سے متعلق آفر بارےبتایا تھا، یہ آفر چیئرمین بیرسٹر گوہر کے ذریعے پہنچائی گئی تھی۔

یہ بھی پڑھیں: قومی ائیرلائنز کا کویت اور بحرین کیلئے نئی پروازیں شروع کرنے کا اعلان

تحریک انصاف کے رہنماءکا کہنا تھا کہ جومیں نے بات کی تھی وہ بانی پی ٹی آئی نےخود کی تھی، میں نےبیان دینےکا استحقاق سلمان اکرم راجہ سےمانگا ہی نہیں۔ شیرافضل مروت نے کہا کہ ایگزیکٹوآرڈرکوئی ایسا قانون نہیں جس کے ذریعے حکومت بانی کورہا کرے ۔ ان کا کہنا تھا کہ تحریری مطالبات سےمتعلق بیانات حکومت کا سیاسی ہدف ہے، حکومت چاہتی ہےکہ وہ بتائےکہ ہم نےمینڈیٹ مان لیا۔

یہ بھی پڑھیں:کوئٹہ پی بی 45 میں پیپلز پارٹی امیدوار میر علی مدد جتک کامیاب

عمران خان نے31جنوری کومذاکرات مکمل کرنےکی ڈیڈ لائن دی ہے، یہ ڈیڈ لائن انہوں نے اپنی رہائی سےمتعلق نہیں دی۔ ر ہنما تحریک انصاف نے آخر میں دعویٰ کیا کہ سوا 2ماہ کےاندرعمران خان رہا ہو جائیں گے ۔