چیمپیئنز ٹرافی کے لئے پاکستانی اسکواڈ کا اعلان ہفتے کی شام تک کر دیا جائے گا

آئی سی سی چیمپیئنز ٹرافی کے لئے پاکستانی اسکواڈ کا اعلان ہفتے کی شام تک کر دیا جائے گا۔

نجی ٹی وی کے مطابق چیئرمین پی سی بی کی منظوری کے بعد قومی اسکواڈ کا اعلان 11 جنوری ہفتے کی شام تک کردیا جائے گا۔

ذرائع کے مطابق چیمپئینز ٹرافی کیلئے ممکنہ اسکواڈ ہی 8 فروری سے شروع ہونے والی سہ فریقی ون ڈے سیریز کھیلے گا۔

شان مسعود نے اظہر محمود کا 27 سال پرانا ریکارڈ توڑ دیا

کسی بھی ٹیم کے لئے آئی سی سی چیمپئینز ٹرافی کیلئے ابتدائی اسکواڈ کے نام 12 جنوری تک بھجوانا لازمی ہیں، جبکہ تمام ٹیمو کو 11 فروری کی  رات 12 بجے تک اسکواڈز کو حتمی شکل دینا ہے۔

آئی سی سی رولز کے تحت 12 فروری سے پہلے کسی بھی وقت کسی بھی کھلاڑی کو تبدیل کیا جا سکتا ہے، اس کے بعد آئی سی سی کی ٹیکنیکل کمیٹی ہی میڈیکل وجوہات پر اسکواڈ میں تبدیلی کی منظوری دے سکتی ہے۔