ٹینس سٹار نواک جوکووچ کا کھانے میں زہر دیے جانے کا انکشاف

عالمی شہرت یافتہ سربین ٹینس اسٹار نواک جوکووچ نے انکشاف کیا ہے کہ آسٹریلیا میں انہیں کھانے میں زہر ملا کر دیا گیا تھا۔

آسٹریلین میڈیا کو انٹرویو میں ٹینس سٹار نے کہا کہ انہیں 2022 میں میلبرن میں قیام کے دوران ہوٹل کے کھانے میں زہر دیا گیا۔

نواک جوکووچ کو سال 2022 میں آسٹریلوی حکام نے آسٹریلین اوپن میں شرکت کرنے سے روک دیا تھا، کورونا ویکسین کے معاملے پر جوکووچ نے غلط دستاویزات پیش کی تھیں جس پر ویزا منسوخ کر کے انہیں ڈی پورٹ کیا گیا تھا۔

انہوں نے انکشاف کیا کہ آسٹریلیا سے وطن واپسی پر انہیں صحت کے مسائل کا سامنا کرنا پڑا اور میں نے محسوس کیا کہ میلبرن کے ہوٹل میں مجھے زہریلی خوراک دی گئی ہے۔

یہ بھی پڑھیں : اسٹاک ایکسچینج میں مندی کے بعد تیزی، انڈیکس ایک لاکھ 13 ہزار پوائنٹس پر پہنچ گیا

سربین ٹینس کھلاڑی جوکووچ کے الزامات پر آسٹریلوی وزیراعظم اور ٹینس حکام نے تبصرہ کرنے سے انکار کردیا۔

یاد رہے کہ ان دنوں نواک جوکووچ نے کوویڈ ویکسین نہیں لگوای تھی جس کی وجہ سے انہیں یو ایس اوپن سے دستبردار ہونا پڑا تھا ۔

بعد ازاں انہوں نے اگلے برس آسٹریلین اوپن میں حصہ لے کر ایک بار پھر کامیابی حاصل کی تھی۔

واضح رہے کہ نواک جوکوچ سب سے زیادہ24 مرتبہ کے گرینڈ سلیم چیمپئن ہیں، انہوں نے چاروں گرینڈ سلیم جیتنے کے ساتھ اولمپک گولڈ بھی حاصل کیا ہے۔