حکومت کو عمران خان کے ٹوئٹس سے تکلیف ہے، اپنی زبان درازی نظر نہیں آرہی، بیرسٹر سیف

خیبر پختونخوا حکومت کے مشیر اطلاعات بیرسٹر ڈاکٹر سیف نے عمران خان کے ٹوئٹس سے متعلق کہا کہ حکومت کو بانی پی ٹی آئی کے ٹوئٹس سے تکلیف ہے مگر اپنی زبان درازی نظر نہیں آرہی۔

تفصیلات کے مطابق بیرسٹر سیف نے اپنے بیان میں کہا کہ وفاقی وزراء روزانہ کی بنیاد پر پاکستان تحریک انصاف کے خلاف پریس کانفرنسیں کررہے ہیں ، مذاکراتی عمل شروع ہونے کے بعد سے مریم نوازشریف پی ٹی آئی کے خلاف ڈیلی بیان بازی کر نے سے نہیں کترا رہیں ۔

یہ بھی پڑھیں:عمران خان کے علاوہ کوئی اور میراباس بننےکی کوشش نہ کرے: شیر افضل مروت

صوبائی مشیر اطلاعات کا کہنا تھا کہ وفاقی اور پنجاب کے صوبائی وزرا ءنے بھی مذاکرات کے بعد بیانات پرزور دیا ہے، وفاقی وزراءکے بیانات سے پہلے ہی غیر سنجیدگی صاف دکھائی دے رہی تھی، تحریک انصاف ملک کے وسیع تر مفاد میں مذاکرات کیلئے ر ضا مند ہوئی ہے ۔

یہ بھی پڑھیں:عمران خان (NRO)کیلئے جھک گئے ، عظمی بخاری

بیرسٹر سیف کا مزید کہنا تھا کہ وفاقی حکومت کو بھی وسیع تر مفاد کے لیے سنجیدگی کا مظاہرہ کرنا چا ہیے ، پی ٹی آئی کے مطالبات آئین وجمہوریت کی بالادستی پر مبنی ہیں ۔