عمران خان جیل میں بیٹھ کر پاکستان کو کمزور کرنے کی سازش سے بازآئیں: کیپٹن (ر)صفدر

پاکستان مسلم لیگ ن کے رہنما کیپٹن (ر)محمد صفدر نے بانی پی ٹی آئی پر تنقید کرتے ہوئے کہا کہ وہ جیل میں بیٹھ کر پاکستان کو کمزور کرنے کی سازش سے بازآ ئیں۔

تفصیلات کے مطابق ضلع خیبر میں میڈیا سے گفتگوکے دوران کیپٹن (ر)صفدر کا کہنا تھا کہ مذاکرات جمہوریت کا حسن ہوتے ہیں اور یہ دروازے کسی کیلئے بند نہیں کرنے چاہئیں، سازشی عناصر سے کہیں کہ وطن عزیز پاکستان سے محبت کریں اور بیرونی ایجنڈے پر نہ چلیں۔

یہ بھی پڑھیں:پی ٹی آئی نے مذاکرات کے حوالے سے ہمیں اعتماد میں نہیں لیا، مولانا فضل الرحمٰن

ان کا کہنا تھا کہ خیبرپختونخوا میں پاکستان تحریک انصاف 11سال سے حکمرانی کر رہی ہے ، عوام کے لیے اس نے کیا کیا ؟ ۔ وفاقی حکومت ایک سال سے پیسے نہیں دے رہی یا 11سالوں سے؟۔ جو پیسہ وفاق سے آرہا ہے پہلے اسکا صوبائی حکومت حساب د ے ۔

یہ بھی پڑھیں: تیز ہوائوں اور گرج چمک کے ساتھ مختلف علاقوں میں بارش اور برفباری کی پیشگوئی

مسلم لیگی رہنماء کا مزید کہنا تھا کہ وفاقی حکومت سےکہتا ہوں ہمیں کچھ نہ دو، وفاق آئی ٹی کے شعبے میں ملک کے نوجوانوں تعلیم دے، اس سے ہر گھر میں ڈاکٹر عبد القدیر پیدا ہوگا۔