پاکستان میں حکومت، اپوزیشن دونوں ہی امریکا کی طرف دیکھ رہی ہیں، حافظ نعیم الرحمان

امیر جماعت اسلامی حافظ نعیم الرحمان نےکہا ہے کہ موجودہ ملکی حالات میں حکومت اور اپوزیشن دونوں ہی امریکہ کی جانب دیکھ رہی ہیں جبکہ وہ انسانیت اور جمہوریت کا دشمن ہے۔

تفصیلات کے مطابق امیر جماعت اسلامی حافظ نعیم الرحمان نے کہ ہے کہ آئی پی پیز کے نام پر حکمرانوں نے ملک کو لوٹا، ن لیگ، پیپلز پارٹی، پی ٹی آئی نے آئی پی پیز پر دست شفقت رکھا ہے۔ امیر جماعت اسلامی پاکستان حافظ نعیم الرحمان نے کہا ہے کہ پاکستان میں حکومت اور اپوزیشن دونوں ہی امریکا کی طرف دیکھ رہے ہیں جبکہ وہ انسانیت اور جمہوریت کا دشمن ہے۔

اپنے ایک بیان میں امیر جماعت اسلامی حافظ نعیم الرحمان نے کہا کہ اسرائیل کی غزہ میں جاری نسل کشی کو امریکا کی پشت پناہی حاصل ہے۔ حافظ نعیم الرحمان کا کہنا تھا کہ امریکا اسلامی ممالک کے حکمرانوں، ڈکٹیٹروں اور بادشاہتوں کو سپورٹ کرتا ہے، بدلے میں ڈکٹیٹر امریکی مفادات کا تحفظ کرتے ہیں، پاکسان میں حکومت اور اپوزیشن دونوں ہی امریکا کی طرف دیکھ رہے ہیں جب کہ وہ انسانیت اور جمہوریت کا دشمن ہے۔

انہوں نے واضح کیا کہ خود ایٹم بم گرانے والا امریکا ہماری میزائل ٹیکنالوجی پر پابندیاں لگا رہا ہے۔ امیر جماعت اسلامی نے مزید کہا کہ جماعت اسلامی ملک میں جمہوریت کی حکمرانی کے لیے جدوجہد کر رہی ہے۔ ان کا کہنا تھا کہ عوام کے حقوق کے لیے احتجاجی تحریک کو ازسرِ نو منظم کرنے کا فیصلہ کیا ہے، 17 جنوری کو بجلی ٹیرف میں کمی کے لیے ملک گیر مظاہرے ہوں گے۔

ان کا کہنا تھا کہ انڈیپنڈنٹ پاور پروڈیوسرز ( آئی پی پیز) کے نام پر حکمرانوں نے ملک کو لوٹا ہے، مسلم لیگ (ن)، پاکستان پیپلز پارٹی، پاکستان تحریک انصاف (پی ٹی آئی ) نے آئی پی پیز پر دست شفقت رکھا۔