بنگلہ دیش کی لیفٹیننٹ جنرل ایس ایم قمر الحسن کا دورہ پاکستان

اسلام آباد: بنگلہ دیش کی مسلح افواج ڈویژن کے پرنسپل اسٹاف آفیسر، لیفٹیننٹ جنرل ایس ایم قمر الحسن اپنے وفد کے ہمراہ پاکستان کا دورہ کر رہے ہیں۔

آئی ایس پی آر کے مطابق انہوں نے جنرل ساحر شمشاد مرزا، چیئرمین جوائنٹ چیفس آف اسٹاف کمیٹی (CJCSC) سے جوائنٹ اسٹاف ہیڈ کوارٹرز (JSHQ) میں تفصیلی ملاقات کی۔
آئی ایس پی آر کے مطابق بات چیت میں دونوں ممالک کے درمیان باہمی اسٹریٹجک دلچسپی کے امور پر تبادلہ خیال کیا گیا اور دفاعی تعاون کو بڑھانے کے راستوں کی تلاش پر زور دیا گیا۔ دونوں اطراف نے فوجی تعلقات کو مزید مستحکم کرنے کی اہمیت پر زور دیا اور اس شراکت داری کو بیرونی رکاوٹوں سے محفوظ رکھنے کے عزم کا اعادہ کیا۔

آئی ایس پی آر کے مطابق جنرل مرزا اور لیفٹیننٹ جنرل قمر الحسن نے علاقائی امن، سلامتی اور استحکام کو فروغ دینے میں باہمی تعاون جاری رکھنے کی ضرورت پر اتفاق کیا۔ CJCSC نے کہا کہ دونوں ممالک ایک محفوظ اور خوشحال مستقبل کے لیے مشترکہ وژن رکھتے ہیں، جو مضبوط دفاعی تعاون پر مبنی ہے۔

آئی ایس پی آر کے مطابق لیفٹیننٹ جنرل قمر الحسن نے پاکستان کی مسلح افواج کی پیشہ ورانہ مہارت کو سراہا اور دہشت گردی کے خلاف جنگ میں ان کی قربانیوں کو تسلیم کرتے ہوئے افواج کی لچک اور لگن کی تعریف کی۔