پنجاب کے مزید تین مقامات پر سونے کے ذخائر کی موجودگی کا دعویٰ

 پاکستان میں سونے کے نئے ذخائر دریافت ہو گئے،  پنجاب کے مزید تین مقامات پر سونے کے ذخائر کی موجودگی کا دعویٰ کیا گیا ہے۔

نجی ٹی وی کے مطابق حکومتی ذرائع کا کہنا ہے کہ اٹک کے بعد میانوالی، تربیلا اور ستلج کے مقام پر بھی سو نے کے ذخائر موجود ہیں۔

محکمہ معدنیات نے اربوں ڈالرز کے سونے کے ذخائر ملنے کی تصدیق کر دی

نیسپاک کو مزید مقامات پر سونے کی موجودگی کے بعد سروے کا ٹاسک دے دیا گیا ہے، ذرائع کے مطابق تینوں مقامات پر موجود سونے کی عالمی مارکیٹ میں قیمت کئی سو ارب تک ہوسکتی ہے۔

محکمہ معدنیات کے حکام مزید مقامات پر سونا نکلنے کے حوالے سے  جلد وزیراعلیٰ پنجاب مریم نواز کو بریفنگ دیں گے۔