مرغی کے گوشت کی قیمت میں کمی، عوام کے لیے خوشخبری

لاہور اور ملتان میں مرغی کے گوشت کی قیمتوں میں مزید کمی واقع ہوئی ہے، جس سے شہریوں کو ریلیف ملنے کی امید ہے۔ سرکاری نرخنامے کے مطابق انڈوں کی قیمتیں مستحکم رہیں۔

تفصیلات کے مطابق لاہور میں برائلر گوشت کی قیمت 11 روپے کم ہو کر 584 روپے فی کلو مقرر کی گئی ہے۔ زندہ برائلر مرغی کی قیمت میں بھی 8 روپے کی کمی ہوئی، جس کے بعد تھوک نرخ 389 روپے اور پرچون نرخ 403 روپے فی کلو ہو گیا ہے۔

ملتان میں برائلر مرغی کی قیمت میں 8 روپے کی کمی دیکھنے کو ملی۔ وہاں زندہ برائلر کا تھوک ریٹ 370 روپے اور پرچون ریٹ 384 روپے فی کلو طے کیا گیا ہے۔ انڈوں کی قیمتیں لاہور میں 270 روپے فی درجن جبکہ ملتان میں 254 روپے فی درجن پر مستحکم ہیں۔ دیگر شہروں میں بھی قیمتوں میں معمولی فرق دیکھا جا رہا ہے۔