ادارہ شماریات نے اپنی رپورٹ میں کہا ہے کہ ہفتے کے دوران 21 اشیاء مہنگی، 10 کی قیمتوں میں کمی، 20 کی قیمتوں میں استحکام رہا۔
ملک میں مسلسل تیسرے ہفتے مہنگائی کی شرح میں کمی کا رجحان ہے۔ ملک میں مہنگائی کی شرح کم ہوکر 1.16 فیصد کی سطح پر آ گئی ہے، مہنگائی کی ہفتہ وار شرح میں 0.39 فیصد کی کمی ہوئی ہے۔
سالانہ بنیادوں پر بھی مہنگائی کی شرح میں اضافے کی رفتار کم ہوئی اور 1.90 فیصد کی سطع پر پہنچ گئی ہے۔
ادارہ شماریات کی جانب سے جاری مہنگائی کے اعداد و شمار کے مطابق ایک ہفتے کے دوران اڑھائی کلو گھی کا ٹن 16 روپے سے زائد مہنگا ہو گیا ہے، جلانے والی لکڑی 13 روپے من مہنگی ہوئی ہے، پیٹرولیم مصنوعات، چینی، دالیں، گڑ بھی مہنگی ہونے والی اشیاء میں شامل ہیں۔
ادارہ شماریات کے مطابق ایک ہفتے کے دوران ٹماٹر 27 روپے فی کلو سستے ہوئے، آلو 9 روپے کلو، زندہ مرغی 9 روپے کلو جبکہ پیاز فی کلو 13 روپے سستی ہوئی۔
دال ماش، ایل پی جی، لہسن اور انڈے بھی سستے ہوئے ہیں۔ چاول، ڈبل روٹی، تازہ دودھ سمیت بیس اشیاء کی قیمتیں مستحکم رہیں۔
By 
