سیمنٹ کی نئی قیمتیں سامنے آ گئیں

پاکستان میں سیمنٹ کی نئی قیمتیں سامنے آ گئیں۔

نئے سال کے آغاز کے موقع پر قیمتوں میں تبدیلی دیکھنے میں آئی ہے،  پچاس کلو گرام سیمنٹ کے تھیلے کی قیمت 1365 روپے سے 1425 روپے کے درمیان ہے۔

 ٹیکس میں تبدیلیوں اور مارکیٹ کے حالات کے بدلنے کی وجہ سے قیمتوں میں فرق نظر آیا ہے۔  معروف برانڈز جیسے میپل لیف اور بیسٹ وے سیمنٹ 1400 روپے فی تھیلا فروخت ہو رہے ہیں، یہ برانڈز مہنگے تصور کئے جاتے ہیں۔

تین دن اضافے کے بعد سونے کی قیمت میں کمی ہو گئی

مقامی سیمنٹ برانڈز کی قیمت تقریباً 1365 روپے ہے، جو علاقائی طلب کے مطابق معمولی فرق کو ظاہر کرتی ہیں۔ ڈی جی خان، اور لکی سیمنٹ کے تھیلوں کی قیمت 1380 روپے سے 1400 روپے کے درمیان ہے۔

سیمنٹ سیکٹر کی نیٹ سیلز میں 11 فیصد سالانہ اضافہ ہو کر 107.7 ارب روپے تک پہنچنے کی پیش گوئی کی گئی ہے، جس کی بنیادی وجوہات زیادہ ریٹینشن قیمتیں اور برآمدات میں اضافہ ہیں۔