کاروباری ہفتے کے پہلے روز سٹاک مارکیٹ میں تیزی کا رجحان ، ڈالرسستا

پاکستان سٹاک ایکسچینج میں مثبت کاروبار کا آغازہواہے جہاں انڈیکس نے ایک بار پھر ایک لاکھ ، 16 ہزار کی حد عبور کر لی ۔

کاروباری ہفتے کے پہلے روز سٹاک ایکسچینج میں کاروبار کے آغاز پر تیزی دیکھی گئی ، 100 انڈیکس میں 909 پوائنٹس کا اضافہ ریکارڈ کیا گیا جس سے انڈیکس ایک لاکھ  16 ہزار 181 پوائنٹس پر پہنچ گیا۔

یہ بھی پڑھیں : پاکستانی حجاج قربانی کی مد میں کتنی رقم خرچ کریں گے؟ اعداد و شمار جاری

گزشتہ کاروباری ہفتے کے آخری روز انڈیکس ایک لاکھ 15 ہزار 272 کی سطح پر بند ہوا تھا۔

دوسری جانب انٹربینک میں امریکی کرنسی کی قیمت میں کمی ہوئی ہے ، انٹر بینک میں 11 پیسے سستا ہونے کے بعد ڈالر 278 روپے 60 پیسے کا ہو گیا ہے۔