پی ٹی آئی واحد پارٹی ہے جس نے انٹرا پارٹی انتخابات کروائے ، بیرسٹر گوہر

 پاکستان تحریکِ انصاف (پی ٹی آئی) کے چیئرمین بیرسٹر گوہر علی خان کا کہنا ہے کہ کہ پی ٹی آئی واحد پارٹی ہے جس نے انٹرا پارٹی انتخابات کروائے، تحریکِ انصاف کا نشان بانیٔ پی ٹی آئی ہیں۔

الیکشن کمیشن کے باہر میڈیا سے گفتگو کرتے ہوئے بیرسٹر گوہر نے کہا کہ پی ٹی آئی واحد پارٹی ہے جس نے انٹرا پارٹی انتخابات کرائے، پی ٹی آئی کا انٹرا پارٹی انتخابات کا سرٹیفکیٹ جاری نہیں کیا جا رہا۔

بیرسٹر گوہر نے کہا  کہ تحریکِ انصاف دنیا کی چھٹی بڑی سیاسی جماعت ہے، انٹرا پارٹی انتخابات کے خلاف آئے 5 درخواست گزاروں نے انتخابات میں حصہ ہی نہیں لیا۔

یہ بھی پڑھیں : پنجاب میں پتنگ بازی پر مکمل پابندی، خلاف ورزی پر سزائیں ہونگی

ان کاکہنا تھا کہ اگلی سماعت پر الیکشن کمیشن کو جواب دیں گے۔

بیرسٹر گوہر نے مزید کہا کہ چیف الیکشن کمشنر کی تقرری کے لیے عمر ایوب نے اسپیکر کو خط لکھا ہے، شبلی فراز نے چیئرمین سینیٹ کو پارلیمانی کمیٹی کی تشکیل کے لیے خط لکھا ہے۔

چیئرمین پی ٹی آئی کا یہ بھی کہنا تھا کہ جب تک نئے چیف الیکشن کمشنر نہیں آتے آئینی طور پر یہی کام جاری رکھیں گے۔