لاہوریوں کیلئے خوشخبری، ماحول دوست الیکٹرک بسیں چلینے کیلئے تیار

لاہوریوں کے لیئے انتظار کی گھڑیاں ختم ہوگئیں۔ صوبائی دارالحکومت کی سڑکوں پر ایکو فرینڈلی الیکٹرک بسیں چلینے کے لئے تیار ہیں۔

تفصیلات کے مطابق لاہوریوں کے لئے بڑی خوشخبری آگئی، 27 جدید ترین ایکو فرینڈلی الیکٹرک بسیں چین سے لاہور پہنچ گئیں، 15 جنوری کو بسیں چین سے کراچی پورٹ پر پہنچی تھیں۔ بلال اکبر خان نے ٹرانسپورٹ ڈیپارٹمنٹ کے تمام متلعقہ افسران کو ضروری اقدامات مکمل کرنے کی ہدایت کر دی۔

وزیر ٹرانسپورٹ بلال اکبر خان کا کہنا تھا کہ وزیر اعلیٰ پنجاب مریم نواز کا ایک کے بعد ایک وعدہ پورا ہوتا جا رہا ہے، پنجاب کو میٹرو بسوں اور اوررنج لائن ٹرین کے بعد ایکو فرینڈلی ٹرانسپورٹ کا تحفہ ملنے جا رہا ہے، 15 فروری تک لاہور کی سڑکوں پر الیکٹرک بسیں رواں دواں ہوں گی۔

بلال اکبر خان نے کہا کہ 27 الیکٹرک بسیں بارش کی پہلی بوند ہے، اسے کے بعد 500 سے زائد مزید الیکٹرک بسیں بھی چلائی جائیں گی، الیکٹرک بسوں سے عوام کو سستی اور معیاری سفری سہولت میسر آئے گی، مخالفین صرف باتیں کرتے رہ گئے مگر وزیر اعلیٰ پنجاب نے عملی اقدامات سے صوبے کو ترقی و خوشحالی کی راہ پر ڈال دیا، ایکوفرینڈلی ٹرانسپورٹ منصوبے کا سارا کریڈٹ وزیر اعلیٰ پنجاب مریم نواز کو جاتا