پی ٹی آئی کے جنید اکبر کو چئیرمین پی اے سی کیلئے نامزد کر دیا گیا

پاکستان تحریک انصاف کا احتجاج رنگ لے آیا، آج ہی پبلک اکاؤنٹس کمیٹی کا چیئرمین منتخب کرنے کا فیصلہ کر لیا گیا۔ تھوڑی دیر بعد پی اے سی کا ہنگامی اجلاس ہوگا۔

نجی ٹی وی چینل ایک نیوز کے مطابق پاکستان تحریک انصاف نے رکن قومی اسمبلی جنید اکبر کو چئیرمین پی اے سی نامزد کر دیا۔ جس پر مسلم لیگ ن کے پارلیمانی لیڈر خواجہ آصف نے وزیراعظم شہباز شریف سے ملاقات کی اور پی ٹی آئی کی جانب سے چئیرمین پی اے سی کیلئے دیے گئے ناموں کی فہرست دی۔

وزیراعظم نے بھی جنید اکبر کے نام پر رضا مندی ظاہر کی اور تمام پی اے سی اراکین کو ہنگامی اجلاس کیلئے پہنچنے کی ہدایت کر دی ہے۔

مزید پڑھیں: پی ٹی آئی کا مذاکرات ختم کرنا افسوسناک ہے، عرفان صدیقی

واضح رہے کہ کچھ دیر قبل پی ٹی آئی کے مرکزی رہنما شیخ وقاص اکرم نے خود کو چئیرمین پی اے سی نامزدگی کے معاملے سے الگ کرنے کا اعلان کیا تھا۔

پی ٹی آئی کے چیف وہپ عامر ڈوگرنے نئی فہرست اسپیکر قومی اسمبلی کو بھجوا دی۔ نئی فہرست میں رکن قومی اسمبلی عادل بازائی کا نام بھی شامل ہے۔