پاکستان کے تنخواہ دار طبقے کی ٹیکس ادائیگی میں نمایاں اضافہ

اسلام آباد: پاکستان کا تنخواہ دار طبقہ برآمد کنندگان سے زیادہ ٹیکس دینے والا بن چکا ہے، اور رواں مالی سال کے ابتدائی چھ ماہ میں اس نے تین گنا زیادہ انکم ٹیکس ادا کیا ہے۔

ایف بی آر کے ذرائع کے مطابق، جولائی سے دسمبر تک تنخواہ دار طبقے نے 243 ارب روپے کا ٹیکس جمع کیا، جو گزشتہ مالی سال کی اسی مدت میں 157 ارب روپے تھا۔ حکومت نے آئی ایم ایف کی ہدایت پر 5 سے 10 لاکھ روپے کمانے والوں پر انکم ٹیکس میں اضافہ کیا تھا، اور اس مالی سال میں تنخواہ دار طبقے سے پانچ سو ارب روپے کے ٹیکس جمع کرنے کا ہدف رکھا گیا ہے۔

دوسری جانب برآمد کنندگان کے ٹیکس میں اضافے کے باوجود، ان سے 80 ارب روپے کا ٹیکس وصول کیا گیا، جو گزشتہ مالی سال کی اسی مدت میں 40 ارب روپے تھا۔