وزیراعلیٰ خیبرپختونخوا علی امین گنڈاپور نے وزیراعظم شہباز شریف کو خط لکھ دیا۔
وزیراعلیٰ علی امین گنڈاپور نے خط میں وفاق کی جانب سے تشکیل دی گئی ضم اضلاع کے آئے آئی پی فنڈز سے متعلق کمیٹی پر تحفظات کا اظہار کیا ہے۔
وزیر اعلیٰ کا اپنے خط میں کہنا تھا کہ 25 ویں آئینی ترمیم کے تحت فاٹا خیبرپختونخوا میں ضم ہوا ہے، آئین کے مطابق ضم شدہ اضلاع کے تمام انتظامی اختیارات خیبر پختونخوا حکومت کے پاس ہیں۔
انہوں نے کہا کہ کمیٹی کے قیام کا نوٹیفکیشن نہ صرف آئین کی خلاف ورزی ہے بلکہ صوبائی حکومت کے اختیار کی نفی بھی ہے، متنازعہ کمیٹی کا نوٹیفکیشن وفاقی حکومت واپس لے۔
خط میں ان کا کہنا تھا کہ اپنے آئینی حقوق کیلئے صوبائی حکومت عدالت سے رجوع کر سکتی ہے، خط میں انہوں نے وفاق کی جانب سے جاری فنڈز کا بھی تفصیلی تذکرہ کیا۔
By 
