کراچی میں حالیہ دنوں میں بچوں کے اغوا کے بڑھتے ہوئے واقعات کے پیش نظر کراچی پولیس نے اسکولوں اور مدرسوں کے انتظامیہ کے لیے ایک اہم ہدایت نامہ جاری کردیا۔
پولیس کی جانب سے جاری کیے گئے ہدایت نامے میں بچوں کو اغوا سے بچانے اور انہیں اجنبیوں سے محفوظ رکھنے کے لیے مختلف اقدامات تجویز کیے گئے ہیں۔ ہدایت نامے میں کہا گیا ہے کہ اسکول اور مدرسہ انتظامیہ بچوں کو والدین کے علاوہ کسی کے ساتھ نہ جانے دیں اور والدین کو بھی بچوں کو اکیلا اسکول یا مدرسہ نہ بھیجنے کی تاکید کی گئی ہے۔
اس کے علاوہ پولیس نے شہریوں کو آگاہی دینے کے لیے مختلف تھانوں میں بینرز آویزاں کر دیے ہیں اور سوشل میڈیا پر بھی آگاہی مہم چلائی جا رہی ہے۔ پولیس حکام نے یہ بھی بتایا کہ اس آگاہی مہم کے تحت بچوں کی حفاظت کے حوالے سے انعامات بھی رکھے گئے ہیں تاکہ شہری اس معاملے میں زیادہ سے زیادہ تعاون کریں۔
By 
