سیمنٹ کی قیمتوں میں کمی

ملک میں سیمنٹ کی قیمتوں میں مزید کمی ہوگئی۔

پاکستان ادارہ برائے شماریات کی رپورٹ کے مطابق 23 جنوری کو ختم ہونے والے ہفتے کے دوران ملک بھر میں سیمنٹ کی قیمتوں میں مزید کمی ہوئی۔ شمالی شہروں میں سیمنٹ کی فی بوری کی اوسط قیمت 1387 روپے تک پہنچ گئی، جو گزشتہ ہفتے کی 1396 روپے کی قیمت سے 0.66 فیصد کم ہے۔

مزید پڑھیں: اوگرا کی جانب سے گیس کی قیمتوں میں اضافے کا نوٹیفکیشن جاری

جنوبی شہروں میں گزشتہ ہفتے کی قیمت 1384 روپے پر برقرار رہی۔ اسلام آباد میں سیمنٹ کی فی بوری کی قیمت 1364 روپے، راولپنڈی میں 1344 روپے، گوجرانوالہ میں 1370 روپے اور لاہور میں 1450 روپے ریکارڈ کی گئی۔ دیگر اہم شہروں میں فیصل آباد میں قیمت 1410 روپے، سرگودھا میں 1393 روپے، ملتان میں 1391 روپے اور پشاور میں 1400 روپے رہی۔

کراچی میں سیمنٹ کی فی بوری کی اوسط قیمت 1339 روپے رہی جبکہ حیدرآباد میں یہ 1340 روپے، سکھر میں 1450 روپے، اور کوئٹہ میں 1435 روپے ریکارڈ کی گئی۔