حکومت چاہتی ہی نہیں کہ مذاکرات ہوں اور کوئی حل نکلے ، بیرسٹر گوہر

چیئرمین پاکستان تحریک انصاف (پی ٹی آئی) بیرسٹر گوہر علی خان نے کہا ہے کہ حکومت چاہتی  ہی نہیں کہ مذاکرات ہوں اور کوئی حل نکلے۔

اسلام آباد کچہری میں میڈیا سے گفتگو کرتے ہوئے بیرسٹر گوہر نے کہا کہ ہم نے اپنے مطالبات حکومت کے سامنے رکھے، حکومت نے مذاکرات میں دیری کی ، حکومت سنجیدہ ہوتی تو اپنا جواب دیتی، حکومت نے یہ کہا کہ 28 کو کمیٹی روم میں جواب دیں گے۔

یہ بھی پڑھیں : پیکا ترمیمی ایکٹ 2025 لاہور ہائیکورٹ میں چیلنج

انہوں نے کہا کہ ہم نے جوڈیشل کمیشن بنانے کا کہا تھا لیکن حکومت نے جواب نہیں دیا، حکومت چاہتی نہیں تھی مذاکرات ہوں اور اس کا حل نکلے، ہمارے اوپر ہر قسم کی سختیاں کی گئیں اس کے باوجود بانی پی ٹی آئی نے مذاکرات میں پہل کی، آرمی چیف کے علاوہ کسی سے ملاقات نہیں ہوئی۔

علاوہ ازیں پاکستان تحریک انصاف کی سینئر رہنما زرتاج گل کاکہنا تھا کہ مذاکرات پی ٹی آئی کی کمزوری نہیں، 17 سیٹوں والوں سے کیا مذاکرات کریں ، صاحبزداہ حامد رضا کے گھر پر حملہ کر کے مذاکراتی کمیٹی پر حملہ کیا گیا ،8 فروری کا دن دوبارہ آنے والا ہے، 8 فروری کو سارے پاکستان نے 9 مئی کا بیانیہ مسترد کیا تھا، ہم نے 8 فروری کو یوم سیاہ منانا ہے۔