پیٹرولیم مصنوعات کی قیمتوں میں اضافے کا امکان

مہنگائی سے پریشان عوام کیلئے بری خبر آگئی، پیٹرولیم مصنوعات کی قیمتوں میں اضافے کا امکان ہے۔

تفصیلات کے مطابق یکم فروری سے پیٹرول اور ڈیزل کی فی لیٹر قیمتوں میں اضافہ ہونے کا امکان ہے۔ میڈیا رپورٹس کے مطابق ڈیزل کی فی لیٹر قیمت میں 6 روپے اور پیٹرول کی فی لیٹر قیمت میں 3 روپے کا اضافہ ہوسکتا ہے۔

مزید پڑھیں: اوگرا کی جانب سے گیس کی قیمتوں میں اضافے کا نوٹیفکیشن جاری

واضح رہے کہ حکومت نئے سال کے پہلے ماہ میں دو مرتبہ پیٹرولیم مصنوعات کی قیمتوں میں اضافہ کر چکی ہے۔ عالمی منڈی میں اکتوبر 2024 کے بعد سے تیل کی قیمتیں 80 ڈالر فی بیرل کی سطح سے نیچے ٹریڈ کرتی رہیں تاہم دسمبر 2024 میں اکتوبر کے بعد پہلی بار عالمی منڈی میں خام تیل کی قیمت 80 ڈالر فی بیرل کی سطح سے اوپر گئی۔

رپورٹ کے مطابق اکتوبر کے بعد عالمی منڈی میں برطانوی خام تیل کی قیمت 81.56 ڈالر اور امریکی خام تیل کی قیمت 79.65 ڈالر فی بیرل کی سطح پر آئی۔