شائقین کرکٹ کیلئے خوشخبری،پاکستان سپر لیگ کے انتظار کی گھڑیاں ختم،میچوں کا شیڈول سامنے آگیا

پاکستان سپر لیگ کے گیارہویں ایڈیشن کا شیڈول جاری کر دیا گیا ہے۔ جس کے مطابق پی ایس ایل کا آغاز 26 مارچ سے ہوگا اور 3 مئی 2026 تک جاری رہے گا اور اس میں 8 ٹیمیں حصہ لیں گی۔ مجموعی طور پر 44 میچز مختلف اسٹیڈیمز میں منعقد ہوں گے جن میں لاہور، راولپنڈی، فیصل آباد، کراچی اور ملتان شامل ہیں۔

افتتاحی میچ 26 مارچ کو لاہور قلندرز اور حیدرآباد کنگز مین کے درمیان قذافی اسٹیڈیم لاہور میں کھیلا جائے گا۔ پلے آف 28 اور 29 اپریل کے دوران کھیلا جائے گا جبکہ پہلا ایلیمینیٹر 29 اپریل اور دوسرا 1 مئی کو منعقد ہوگا۔ فائنل میچ 3 مئی 2026 کو لاہور میں متوقع طور پر انعقاد پذیر ہوگا۔

یہ بھی پڑھیں:پاکستان سے بیرون ملک جانیوالی پروازوں سے متعلق اہم خبر،کس شہر سے کتنی پروازیں اڑان بھریں گی؟

پی ایس ایل 11 میں ابتدائی مرحلے میں ہر ٹیم ایک دوسرے کے ساتھ میچ کھیلے گی اور گروپ مرحلے کے بعد بہترین کارکردگی دکھانے والی ٹیمیں پلے آف اور فائنل تک پہنچیں گی۔ کرکٹ شائقین کے لیے یہ سیزن ایک بڑا تہوار ہوگا جس میں مقامی اور عالمی اسٹار کھلاڑی حصہ لیں گے اور ٹی20 کرکٹ کے بہترین مقابلے دیکھنے کو ملیں گے۔