موجودہ حکومت ڈیلی ویجز پر ہے کسی بھی وقت ختم ہوسکتی ہے،شاہد خاقان عباسی کا دعویٰ

سابق وزیراعظم شاہد خاقان عباسی نے کہا ہے کہ موجودہ حکومت ڈیلی ویجز پر ہے کبھی بھی ختم ہوسکتی ہے۔ ملکی معیشت بڑھنے کے بجائے روزانہ کی بنیاد پر کمزور ہورہی ہے۔

تفصیلات کے مطابق سابق وزیر اعظم شاہد خاقان عباسی نے کہا ہے کہ موجودہ حکومت کی حیثیت ڈیلی ویجز کی سی ہے جو کسی بھی وقت ختم ہو سکتی ہے۔ملکی معیشت کے حوالے سے حکومتی دعوؤں پر گفتگو کرتے ہوئے انکا کہنا تھا کہموجودہ حالات میں ملک میں کاروبار کے موقع موجود نہیں۔ اس حکومت کو اکانومی کی کوئی سمجھ نہیں ،حالات بگڑنے کی صورت میں بنیادی اصلاحات بہتر کرنے کی ضرورت ہوتی ہے۔ 2018سے پہلے زوال کی رفتار کم تھی اب دن بدن اضافہ ہورہا ہے۔

مزید پڑھیں: موسم کی شدت برقرار، ملک کے بیشتر حصوں میں بارش اور پہاڑوں پر برفباری کا امکان

سابق وزیر اعظم کا کہنا تھا کہ آج ملک میں سفارش سے نہیں پیسے سے کام ہوتا ہے ۔ اگر موجودہ نظام سمجھتا ہے کہ آئین ٹھیک نہیں تو بدل دیں۔ آئینی کی تبدیلی سے نظام نہیں چلے گا آئین پرعملدرآمد کی ضرورت ہے۔ 2018الیکشن کی نسبت 2024میں دھاندلی زیادہ ہوئی۔
ملک مشکلات کا شکار ہے اب انتخابات بھی حالات بدل نہیں سکتے۔ سیاسی استحکام کے بغیر ملکی حالات بدل نہیں سکتے۔