حکومت نے عید سے قبل موٹر سائیکل مالکان کو بڑی خوشخبری سنا دی

عالمی سطح پر جنگی صورتحال اور پیٹرول کی بڑھتی ہوئی قیمتوں کے باعث ٹریفک پولیس نے عید تک رکشہ اور موٹر سائیکل کے چالان نہ کرنے کا فیصلہ کیا ہے۔

نجی ٹی وی کے مطابق پولیس حکام کا کہنا ہے کہ پیٹرول کی قیمتوں میں مسلسل اضافے کے پیش نظر شہریوں کو ریلیف دینے کے لیے یہ اقدام اٹھایا گیا ہے۔

حکام کے مطابق اگر پیٹرول کی قیمتیں مزید بڑھتی ہیں تو چیف ٹریفک آفیسر سمیت پوری فورس موٹر سائیکل استعمال کرے گی۔

پولیس حکام نے یہ بھی ہدایت دی ہے کہ سڑکوں پر ٹریفک پولیس کی گاڑیاں سٹارٹ کرکے کھڑی نہیں کی جائیں گی تاکہ ایندھن کے ضیاع سے بچا جا سکے۔

مزید بتایا گیا ہے کہ اگر پیٹرول کی قیمتوں میں اضافے کی تیسری سٹیج آ گئی تو ٹریفک اہلکار سائیکل پر پٹرولنگ کریں گے۔

یہ بھی پڑھیں: دبئی فضائی حملے میں جاں بحق دوسرے پاکستانی کی بھی شاخت ہو گئی

حکام نے شہریوں سے بھی اپیل کی ہے کہ وہ غیر ضروری طور پر گاڑی اور موٹر سائیکل کے استعمال سے گریز کریں تاکہ ایندھن کی بچت ممکن ہو سکے۔