حکومت نے بجلی کی قیمتوں میں کمی کے لیے عملی اقدامات تیز کر دیے، جس کے تحت ٹاسک فورس نے مزید 45 پاور پلانٹس سے مذاکرات کا آغاز کر دیا گیا ہے۔
حکومتی اقدامات کے نتیجے میں مجموعی طور پر بجلی 2 روپے فی یونٹ سستی ہونے کا امکان ہے۔ ذرائع وزارت توانائی کے مطابق تقریباً 25 سرکاری پاور پلانٹس کا منافع 19 فیصد سے کم کرکے 13 فیصد کرنے کی تجویز دی گئی ہے۔
اس فیصلے سے بجلی کے ٹیرف میں 50 پیسے فی یونٹ کمی آئے گی، جس سے عوام کو ریلیف ملے گا۔ رپورٹ کے مطابق سرکاری پاور پلانٹس کو اب مجموعی پیداواری صلاحیت کے بجائے اصل پیداوار کے مطابق ادائیگی کی جائے گی، جس سے اضافی اخراجات میں کمی ہوگی۔
ٹاسک فورس کی سفارشات کو وزیراعظم شہباز شریف کی زیر صدارت آئندہ کابینہ اجلاس میں پیش کیے جانے کا امکان ہے، جہاں حتمی منظوری کے بعد بجلی کی قیمتوں میں کمی کا باقاعدہ اعلان متوقع ہے۔
By 
