چینی کی قیمت مزید بڑھ گئی، افغانستان کیلئے برآمد میں اضافہ

ڈھائی ماہ میں چینی کی قیمت میں بڑا اضافہ ہو گیا، 131 روپے 85 پیسے سے بڑھ زیادہ سے زیادہ 160 روپے فی کلو تک پہنچ گئی۔

افغانستان کیلئے چینی کی برآمدات میں بھی ریکارڈ اضافہ دیکھنے میں آیا۔ذرائع کے مطابق افغانستان کے لیے پاکستانی برآمدات میں سب سے زیادہ حصہ چینی کا ہے۔

ڈالر کے مقابلے میں روپیہ مزید سستا ہو گیا

رواں مالی سال کے پہلے سا ت ماہ میں افغانستان کیلئے چینی کی برآمد 26 کروڑ 27 لاکھ ڈالر رہی، سرکاری اعداد و شمار کے مطابق گزشتہ سال اسی مدت کے دوران افغانستان کیلئے چینی کی برآمد محض 59 لاکھ ڈالر تھی۔

ملک میں حالیہ 10 ہفتوں کے دوران چینی کے اوسط نرخوں میں 21 روپے 26 پیسے کا اضافہ ہوا ہے، ملک میں چینی کی اوسط قیمت 153 روپے 11 پیسے فی کلو پرپہنچ چکی ہے،اعداد و شمار کے مطابق ملک میں چینی کی زیادہ سے زیادہ قیمت 160روپے فی کلو تک ہے۔