نئے چیف الیکشن کمشنر کی تعیناتی کے لیئے اوریا مقبول جان پی ٹی آئی کے امیدوار ہیں: فیاض الحسن چوہان کا دعوٰی

سابق صوبائی وزیر فیاض الحسن چوہان نے دعوٰی کیا ہے کہ پی ٹی آئی کی جانب سے نئے چیف الیکشن کمشنر کی تعیناتی کے لیئے اوریا مقبول جان کا نام سامنے آیا ہے۔

تفصیلات کے مطابق سابق صوبائی وزیر فیاض الحسن چوہان نے نئے چیف الیکشن کمشنر کی تعیناتی کے حوالے سے کہا ہے کہ جب تک نئے چیف الیکن کمشنر تعینات نہیں ہوتے موجودہ چیف الیکشن کمشنر راجہ سلطان سکندر اپنے عہدے پر موجود رہیں گے۔ انہوں نے انکشاف کیا کہ نئے الیکشن کمشنر کی تعیناتی کے حوالے سے حکومت کی جانب سے سابق چیف جسٹس قاضی فائز عیسیٰ اور تصدق حسین جیلانی کا نام سامنے آ رہا ہے۔

مزید پڑھیں: شریف خاندان کی سیاست ختم ہوتی نظرآرہی ہے ،سینئرسیاستدان محمد زبیر

فیاض الحسن چوہان نے کہا کہ انکے ذرائع کے مطابق پی ٹی آئی کی جانب سے نئے چیف الیکشن کمشنر کی تعیناتی کے لیئے اوریا مقبول جان کا نام سامنے آیا ہے۔ تاہم انہوں نے کہا کہ حکومت کی جانب سے قاضی فائز عیسیٰ یا پھر راجہ سلطان سکندر ایک بار پھر سے پی ٹی آئی کے لیئے ڈراؤنا خواب ثابت ہو نگے کیونکہ 26 ویں آئینی ترمیم کی رو سے جب تک نیا چیف الیکشن کمشنر نہیں تعینات ہوتا راجہ سلطان سکندر اپنے عہدے پر موجود رہیں گے۔