محکمہ موسمیات نے ملک کے چند علاقوں میں بارش اور برفباری کی پیشگوئی کی ہے۔
کل ملک کے بیشتر علاقوں میں موسم سرد اور خشک رہنے کا امکان ہے ۔ بالائی خیبرپختونخوا اور گلگت بلتستان میں مطلع جزوی ابر آلود رہنے کے علاوہ چند مقامات پر ہ بارش اور ہلکی برفباری کی توقع ہے۔
کل اسلام آباد اور گرد و نواح میں موسم سرد اور خشک رہنے کا امکان ہے، پنجاب کے بیشتر اضلاع میں موسم سرد اور خشک رہے گا جبکہ مری، گلیات اور گرد و نواح میں مطلع جزوی ابر آلود رہنے کا امکان ہے۔
خیبرپختونخوا کے بیشتر اضلاع میں موسم سرد اورخشک رہے گا تا ہم چترال، دیر، سوات ، کوہستان، شانگلہ اور بٹگرام میں چند مقامات پر ہلکی بارش اور برفباری کی پیشگوئی کی گئی ہے۔
کل گلگت بلتستان میں مطلع ابر آلود رہنے کے علاوہ بارش اور برفباری کا امکان ظاہر کیا گیا ہے جبکہ کشمیر میں موسم سرد اور مطلع جزوی ابرآلود رہنے کی توقع ہے۔
By 
