بجلی صارفین کے لیے خوشخبری ، کراچی سمیت ملک بھر میں بجلی سستی ہونے کا امکان

کراچی سمیت ملک بھر کے بجلی صارفین کے لیے خوشخبری ، بجلی کی قیمت میں تقریباً 2 روپے فی یونٹ کمی کا امکان ہے۔

رپورٹ کے مطابق تقسیم کار کمپنیوں (ڈسکوز) نے نیپرا کو درخواست دی ہے کہ رواں مالی سال کی دوسری سہ ماہی ایڈجسٹمنٹ کی مد میں بجلی کے نرخ کم کیے جائیں ، اگر درخواست منظور کر لی گئی تو صارفین کو 52 ارب 12 کروڑ روپے تک ریلیف ملنے کی امید ہے۔ نیپرا آج اس درخواست پر سماعت کرے گا۔

ذرائع کے مطابق، کیپیسٹی چارجز کی مد میں 50 ارب 66 کروڑ روپے کی کمی مانگی گئی ہے، جبکہ ٹرانسمیشن اور ڈسٹری بیوشن نقصانات کی مد میں 2 ارب 66 کروڑ روپے کی کمی کی درخواست دی گئی ہے۔

یہ بھی پڑھیں : جناح ہاؤس حملہ کیس: علیمہ خان اور عظمیٰ خان بے قصور قرار، درخواست ضمانت واپس لے لی

 اس کے علاوہ آپریشنز اور مینٹیننس کی مد میں 2 ارب 69 کروڑ روپے کی رقم کم کرنے کی تجویز دی گئی ہے۔

یہ سہ ماہی ایڈجسٹمنٹ اکتوبر سے دسمبر 2024 کے عرصے کے لیے ہوگی اور اس کا اطلاق کے الیکٹرک صارفین پر بھی کیا جائے گا۔