عمران خان کی جانب سے شیر افضل مروت کو پارٹی سے نکالنے کی ہدایات نہیں ملیں، بیرسٹر گوہر

چئیرمین پی ٹی آئی بیرسٹر گوہر کا شیر افضل مروت کو پارٹی سے نکالے جانے کے معاملے پر ردِعمل آگیا۔

تفصیلات کے مطابق پارلیمنٹ ہائوس میں میڈیا سے گفتگو کرتے ہوئے کہا کہ مجھے تاحال عمران خان کی جانب سے ایسی کوئی ہدایات نہیں ملیں کہ کسی کو پارٹی سے نکالا جائے۔ انہوں نے مزید کہا کہ مجھے عمران خان کی جانب سے جو ہدایات ملتی ہیں میں اس پر عملدرآمد کرتا ہوں لیکن اس کا بھی ایک طریقہ کار ہوتا ہے۔ انہوں نے یہ بھی کہا کہ کسی کو پارٹی سے نکالنے کا معاملہ ہمارا اندرونی معاملہ ہے۔ جونہی مجھے عمران خان کی جانب سے ہدایات ملیں گی تو میں اس پر عمل کروں گا۔

مزید پڑھیں: پی ٹی آئی اراکین عمران خان کی باتوں کو صحیح نہیں مانتے، مزمل سہروردی

واضح رہے کہ پاکستان تحریک انصاف نے  رکن قومی اسمبلی شیر افضل مروت کو پارٹی سے نکالنے کا فیصلہ کرلیا ہے۔ اس حوالے سے بانی چیئرمین عمران خان نے پارٹی رہنماؤں کو ہدایت جاری کی ہیں کہ شیر افضل مروت کو پارٹی سے نکال دیا جائے۔ عمران خان کی  ہدایات کے بعد پارٹی رہنما جلد شیر افضل مروت کی بنیادی رکنیت ختم کرنے کا نوٹی فکیشن جاری کریں گے اور بنیادی رکنیت ختم ہونے پر شیر افضل مروت سے بطور رکن قومی اسمبلی استعفیٰ  بھی طلب کیا جائے گا۔

واضح رہے کہ شیر افضل مروت کے صوابی جلسے میں کردار پر پارٹی رہنماؤں نے بانی پی ٹی آئی سے شکایت کی تھی۔ آج ایک بیان میں پی ٹی آئی رہنما شیر افضل مروت نے کہا تھا کہ  پارٹی جلسوں میں بلائے بغیر شرکت نہ کرنے کا فیصلہ کیا ہے ۔