رہنما پی ٹی آئی شوکت یوسفزئی شیرافضل مروت کے لیے میدان میں آگئے

رہنما پاکستان تحریکِ انصاف شوکت یوسفزئی شیرافضل مروت کے لیے میدان میں آگئے اور انہیں پارٹی سے نکالنے کے فیصلے پر نظر ثانی کا مطالبہ کرتے ہوئے کہا کہ ورکرز انکے نکالے جانے پر مایوس ہیں۔

تفصیلات کے مطابق رہنما پی ٹی آئی شوکت یوسفزئی نے شیر افضل مروت کو پارٹی سے نکالے جانے کے خلاف اسٹینڈ لیتے ہوئے کہاہےکہ پی ٹی آئی قیادت کو انہیں پارٹی سے نکالے جانے کےخلاف فیصلے پر نظر ثانی کرنا چاہیئے۔شوکت یوسفزئی نے کہا کہ شیر افضل مروت کو پارٹی سے نکالنے کے فیصلے پر نظرثانی کی اپیل کرتا ہوں کیونکہ ورکرز شیر افضل مروت کو نکالنے کے فیصلے سے کارکن مایوس ہوئے۔

انہوں نے کہا کہ پارٹی کے اندر ڈسپلن ہر کسی کے لئے ہونا چاہئے، ایک بندے کو ٹارگٹ کرنا غلط ہے۔ شوکت یوسفزئی نے کہا کہ ہمیں عہدے نہیں چاہئیں، ایک عام ورکر کی طرح عزت چاہئے، شیر افضل مروت نڈر اور مشکل وقت کے ساتھی ہیں انہیں ایک موقع دیا جائے۔
رہنما تحریک انصاف نے مزید کہا کہ شیر افضل مروت کو نکالنے کے فیصلے سے کارکن مایوس ہوئے