بانئ پی ٹی آئی عمران خان کے وکیل فیصل چوہدری کا کہنا ہے کہ بانئ پی ٹی آئی نے رمضان المبارک کے بعد بھرپور تحریک چلانے کی ہدایت کی ہے۔
بانی پی ٹی آئی کے وکیل فیصل چودھری نے دیگر وکلاء کے ہمراہ راولپنڈی میں اڈیالہ جیل کے باہر میڈیا سے گفتگو کرتے ہوئے کہا کہ جنہوں نے پی ٹی آئی چھوڑ دی ان کے خلاف 9 مئی کا کوئی کیس نہیں چلا، آج بھی سرکاری گواہان کو پیش کیا گیا۔
فیصل چوہدری کا کہنا ہے کہاڈیالہ جیل میں کنٹرولڈ ٹرائل چلایا جارہا ہے ، وکلاء اور صحافیوں میں پک اینڈ چوز کرکے اندر بھیجا جاتا ہے ، اسلام آباد ہائی کورٹ میں اوپن ٹرائل کی درخواست دائر کی ہے، بانی نے اپنے تینوں خطوط کا اعادہ کیا ہے، بانی نے کہا ہے یہ اوپن خطوط ہیں سب کیلئے ہیں اور یہ وہ حقائق ہیں جن پر اسٹیبلشمنٹ کو غور کرنا چاہیئے۔
انہوں نے کہا کہ ہم ریاست سے آئین اور قانون کے مطابق انصاف مانگتے ہیں، ثناء اللّٰہ مستی خیل کو سیاسی کمیٹی میں شامل کیا گیا ہے۔
فیصل چوہدری نے کہا کہ بانی کی گرفتاری کو سپریم کورٹ نے اغواء قرار دیا ہے ، بانی نے کہا آزاد جج کبھی کوئی متنازعہ ریمارکس نہیں دیتے ، نو مئی کو بانی کی گرفتاری کے وقت اسلام آباد ہائی کورٹ میں کیا ہوا سب نے دیکھا ، ہم نو مئی پر اسی لئے جوڈیشل کمیشن مانگ رہے ہیں، ہمارا موقف ہے نو مئی فالس فلیگ آپریشن تھا ، ہم ریاست سے آئیں اور قانون کے مطابق انصاف مانگتے ہیں۔
ان کاکہنا تھاکہ ملٹری کورٹس کا کیس سننے والے سپریم کورٹ کے بنچ کے ریمارکس سے متفق نہیں ہیں ، پاکستان میں پی ٹی آئی کے خلاف چادر اور چار دیواری کا تقدس پامال کیا گیا ، انسانی حقوق پامالی کیس کو دنیا کے سامنے لانے کی وجہ رول آف لاء کی نفی ہے ،ہم بنیادی انسانی حقوق کا تحفظ چاہتے ہیں ، آزادی میڈیا اور آزاد عدلیہ ریورس ہوچکے ہیں۔
بانئ پی ٹی آئی کے وکیل کا یہ بھی کہنا ہے کہ بانئ پی ٹی آئی نے اسد قیصر اور عمر ایوب کو ٹاسک دیا ہے اپوزیشن جماعتوں کو اعتماد میں لیں۔
By 
