سینئر صحافی شاہد میتلا نے کہا ہے کہ شیر افضل مروت کو کسی گروپ کا حصہ نہ بننے کی وجہ سے پارٹی سے نکلوایا گیا۔
صحافی شاہد میتلا نے آزاد ڈیجیٹل پر شیر افضل مروت کو پارٹی سے نکالے جانے کے حوالے سے گفتگو کرتے ہوئے کہنا ہے کہ میری شیر افضل مروت اور ان کے قریبی لوگوں سے بات ہوئی اور ان کے مطابق شیر افضل مروت کو پارٹی سے اس لیے نکالا گیا کہ انہیں علیمہ خان اپنے گروپ میں اور بشریٰ بی بی اپنے گروپ میں شامل کرنا چاہتی تھیں۔
شاہد میتلا نے مزید کہا کہ شیر افضل مروت کسی گروپ کا حصہ نہیں بننا چاہتے تھے اور وہ صرف عمران خان کی رہائی کیلئے کام کرنے کے خواہاں تھے تاہم کسی گروپ میں شامل نہ ہونے کی وجہ سے انہیں پارٹی سے نکلوا دیا گیا۔
صحافی شاہد میتلا نے سابق وفاقی وزیر فواد چوہدری کے حوالے سے بڑی خبر دی کہ فواد چوہدری فروری 2022 میں جنرل باجوہ کے پاس گئے اور کہا کہ پاکستان تحریک انصاف کی حکومت ڈیلیور نہیں کر پارہی، ہم حلقوں میں جاتے ہیں تو لوگ ہم سے سوال کرتے ہیں، ہمیں مشکلا ت کا سامنا کرنا پڑتا ہے تو میں پارٹی چھوڑنا چاہتا ہوں، مجھے کسی اور پارٹی میں بھجوا دیں۔ فوادچوہدری نے جنرل باجوہ سے کہا کہ عمران خان مکمل طور پر ناکام ہوگئے ہیں اور انہوں نے جو وعدے کیے تھے وہ پورے نہیں کر پا رہے۔
شاہد میتلا نے فواد چوہدری کو مخاطب کرتے ہوئے کہا کہ آپ تو فروری 2022میں ہی پارٹی چھوڑ چکے ہیں، آپ فوجی قیادت کے پاس جاکر کہہ رہے ہیں کہ میں پی ٹی آئی چھوڑنا چاہتا ہوں اور مجھے کسی اور پارٹی میں بھجوائیں تو اس کا مطلب ہے کہ آپ نے پارٹی چھوڑ دی۔اب آپ کیسے پی ٹی آئی کو اپنی پارٹی قرار دے سکتے ہیں یا پی ٹی آئی رہنمائوں پر تنقید کر سکتے ہیں، آپ تو پی ٹی آئی کا حصہ ہی نہیں ہیں۔
By 
